افغانستان میں بیک وقت دو حکومتیں قائم ہوگئیں

عبداللہ عبداللہ نے عنایت اللہ فرھمند اور اسد اللہ سعادتی کو نائب صدر مقرر کر دیا
کابل (نیوزڈیسک) افغانستان میں بیک وقت دو حکومتیں قائم ہوگئیں، سابق چیف ایگزیکٹیو عبداللہ عبداللہ نے صدارت کا حلف اٹھانے کے بعد کام شروع کردیا ہے، جبکہ اشرف غنی بھی بدستور کام کررہے ہیں، کسی بھی ملک میں بیک وقت دو متوازی صدر کی حیثیت سے حلف برداری کی تقریب کا یہ واقعہ اپنی نوعیت میں غیر معمولی تصور کیا جارہا ہے، عبداللہ عبداللہ نے عنایت اللہ فرھمند اور اسد اللہ سعادتی کو نائب صدر مقرر کر دیا،الیکشن کمیشن نے اشرف غنی کو صدارتی انتخابات کا کامیاب امیدوار قرار دیاتھا، مگر عبد اللہ عبد اللہ نے اسے مسترد کرتے ہوئے کہا تھا کہ وہ ان نتائج کو کسی بھی قیمت پر تسلیم نہیں کریں گے ان کا کہنا تھا کہ الیکشن کمیشن نے تین لاکھ بائیو میٹرک ووٹوں کے بارے میں ان کی شکایت پر توجہ نہیں دی ہے۔