احسان اللہ احسان کا فرار،حکومت کی تصدیق

ریاستی ادارے فرار کے بارے میں تحقیقات کر رہے ہیں،وزیر داخلہ
اسلام آباد(نیوزڈیسک) وزیر داخلہ برگیڈیئر (ر) اعجاز شاہ نے کالعدم تنظیم تحریک طالبان کے سابق ترجمان احسان اللہ احسان کے ملک سے فرار ہونے کی خبروں کی تصدیق کردی اور کہا کہ اس بارے میں تحقیقات ہو رہی ہیں، ریاستی ادارے اس بارے میں تحقیقات کر رہے ہیں اور ان تمام واقعات کا جائزہ لے رہے ہیں جن کی بنا پر احسان اللہ احسان ملک سے فرار ہوا، وزیر داخلہ نے اس بارے میں مزید تفصیلات بتانے سے گریز کیا اور کہا کہ احسان اللہ احسان کے بارے میں قوم کو جلد خوشخبری ملے گی، پاکستان پیپلز پارٹی کے چیئرمین بلاول بھٹو زرداری نے احسان اللہ کے فرارپر حکومت سے باقاعدہ تحریری جواب طلب کر لیا اور قومی اسمبلی سیکریٹریٹ میں تحریری سوالات جمع کرادئے۔