آیت اللہ یزدی کی رحلت بڑا نقصان، علمی آثار اسلامی ورثہ ہے، حافظ ریاض نجفی

عالّمِ اسلام اسلام شناس عالم سے محروم ہو گیا، مرحوم متعدد علمی، تحقیقی اداروں کے بانی تھے
 لاہور(پ ر ) صدر وفاق المدارس الشیعہ پاکستان حافظ سید ریاض حسین نجفی نے عظیم عالم دین آیت اللہ محمد تقی مصباح یزدی کی رحلت پر اظہار افسوس کرتے ہوئے اسے بہت بڑا علمی نقصان قراردیا ہے اور کہا ہے کہ عالمِ اسلام بہت بڑے اسلام شناس عالم سے محروم ہو گیا ہے، اس علمی نقصان پر انہوں نے رہبر معظم آیت اللہ خامنہ ای ، مراجع عظام، مرحوم و مغفور کے خانوادہ ، شاگردان اور اہل علم شخصیات کی خدمت میں تعزیت و تسلیت پیش کی ہے،اپنے تعزیتی پیغام میں حافظ ریاض نجفی نے کہا کہ مرحوم آیت اللہ مصباح یزدی بین الاقوامی سطح پر ایک جلیل القدر علمی شخصیت،بلند مرتبہ فیلسوف کی حیثیت سے پہچانے جاتے تھے ،مرحوم عالم دین دنیائے اسلام میں شامل کی جانے والی بدعتوں اورخرافات کو علمی استدلال سے رد کرتے تھے۔ ان کے علمی آثار ایک عظیم اسلامی ورثہ ہیں جن کا دیگر زبانوں کی طرح اردو میں بھی ترجمہ و اشاعت بہت ضروری ہے۔