آیت اللہ تقی مصباح یزدی کو قم میں سپردخاک کردیا گیا

آیت اللہ مصباح یزدی صراط مستقیم پر استقامت کرنے والی شخصیت تھے، ولی امر مسلمین
 قم المقدس (نیوز ڈیسک) فقیہ عصر، فلسفی دوراں ،عمار ولایت فقیہ آیت اللہ محمد تقی مصباح یزدی کو قم میں بی بی معصومہ قم (س) کے روضے کے احاطے؛ میں سپرد خاک کردیا گیا،آیت اللہ محمد تقی مصباح یزدی کچھ عرصے کی علالت کے بعد قم المقدس میں انتقال کرگئے تھے،آپ آیت اللہ بہجت، امام خمینیؒ، علامہ طباطبائی اور آیت اللہ بروجردی کے شاگردوں میں سے تھے ،ولی امر مسلمین نے عالم ربانی، مجاہد فقیہ و حکیم، آیت اللہ محمد تقی مصباح یزدی کی وفات پر ان کے لواحقین اور شاگردوں کے نام پیغام میں تعزیت پیش کی اور انہیں ممتاز مفکر، لائق مدیر، اظہار حق کیلئے آواز بلند کرنے اور صراط مستقیم پر استقامت کرنے والی شخصیت قرار دیا ہے۔