آٹا بحران پر ذمہ داروں کے خلاف سخت کارروائی کی جائے،علامہ احمد اقبال

کراچی(نیوز ڈیسک)مجلس وحدت مسلمین پاکستان کے مرکزی ڈپٹی سیکریٹری جنرل علامہ احمد اقبال رضوی نے کہا ہے کہ آٹا بحران پر ذمہ داروں کے خلاف سخت کارروائی کی جائے،عوام نے جس تبدیلی کے لیے موجودہ حکومت کومنتخب کیا تھا اس کا دور دور تک کوئی نام ونشان نظر نہیں آتا،ملک کے مختلف حصوں میں آٹے کا بحران سنگین صورتحال اختیار کرتا جا رہا ہے،مہنگائی نے عوام کا پہلے ہی بھرکس نکال دیا ہے،حکومت کی ناقص انتظامی پالیسیوں کے باعث متوسط طبقہ بھی غربت کی سطح سے نیچے زندگی گزارنے پر مجبور ہو چکا ہے۔