آٹا بحران حکومت کو لے ڈوبے گا، مافیا بے نقاب کیا جائے، فائزہ نقوی

لاہور(پ ر) جمعیت علماء پاکستان شعبہ خواتین کی مرکزی صدر سیدہ فائزہ نقوی نے کہا ہے کہ آٹا بحران حکومت کو لے ڈوبے گا۔ پیپلز پارٹی اور مسلم لیگ ن کے ادوار حکومت میں اتنی اضافی گندم موجود ہوتی تھی کہ خریدار نہیں ہوتا تھا، گندم کی قیمتوں میں اضافہ بھی کیا گیا جس کا فائدہ کسان کو ہوا لیکن عوام پر بوجھ نہیں ڈالا گیا۔ انہوں نے کہا کہ گندم کا بحران شدت اختیار کرگیا ہے۔ اس سے کس کی تجوریاں بھری ہیں۔ سپریم کورٹ کو ازخود نوٹس لینا چاہیے۔جے یو پی کے اجلاس کی صدارت کرتے ہوئے فائزہ نقوی نے کہا کہ چینی اور ادویات کی قیمتوں میں اضافہ کے ا سکینڈل کے بعد گندم اور آٹے کا بحران پی ٹی آئی حکومت پر شدید الزام اور حکومت کے ماتھے پر کلنک کاٹیکہ ہے۔