یمن پر مسلط جنگ کو فوری ختم کیا جائے، مقتدیٰ الصدر

دوبدو جنگ میں جارح سعودی فوجی اتحادکی کھلی شکست ہوچکی ہے
بغداد (نیوز ڈیسک) عراق کے پارلیمانی اتحاد سائرون اور صدری سیاسی پارٹی کے سربراہ سید مقتدیٰ الصدر نے یمن جنگ کے فوری الفور خاتمے اور عراق میں وسیع گفتگو کے آغاز کا مطالبہ کردیا مقتدیٰ الصدر نے دوبدو جنگ میں جارح سعودی فوجی اتحادکی کھلی شکست کی جانب اشارہ کرتے ہوئے کہا ہے کہ سعودی عرب نے یمنی عوام کے خلاف ایک عرصے سے لاحاصل جارحیت مسلط کر رکھی ہے، جس کے باعث صرف اور صرف بیگناہ شہری مارے جا رہے ہیں۔ ،انہوں نے یمن پر مسلط سعودی جارحیت کے فی الفور خاتمے پر زور دیتے ہوئے عالمی برادری سے مطالبہ کیا کہ وہ یمن پر مسلط جنگ کے خاتمے کے لئے فی الفور مثبت مداخلت کرے ،انہوں نے کہا ہے کہ بعض سیاسی فریق پرامن احتجاجی مظاہروں کے دوران ملک میں موجود ”دشمن کے جاسوسوں “ سے تعاون حاصل کر رہے ہیں ، جو ملکی سالمیت کے لئے انتہائی خطرناک ہے