گلگت :ایم ڈبلیو ایم کو ایک وزیراور ایک معاون خصوصی کا عہدہ ملا

مجلس وحدت مسلمین کی کامیاب سیاسی حکمت عملی کے ثمرات ملنے لگے
گلگت (نیوز ڈیسک) مجلس وحدت مسلمین کی گلگت بلتستان کیلئے کامیاب سیاسی حکمت عملی کے ثمرات ملنے لگے ہیں ،ایم ڈبلیوایم گلگت بلتستان ترجمان محمد الیاس صدیقی کو وزیراعلیٰ کا معاون خصوصی مقرر کر دیا گیا ہے جبکہ کاظم میثم کووزارت زراعت دی جائے گی، الیاس صدیقی کی تقرری تحریک انصاف اور ایم ڈبلیو ایم کے سیاسی اتحاد کے فارمولے کے تحت عمل میں لائی گئی ہے،الیاس صدیقی گلگت حلقہ ایک تحریک انصاف کے حق میں دستبردار ہوگئے تھے، سیٹ ایڈجسٹمنٹ کے اعلان کے موقع پر تحریک انصاف اور ایم ڈبلیو ایم کے مرکزی رہنماﺅں نے پریس کانفرنس کے دوران ہی اعلان کیا تھا کہ انہیں وزیراعلیٰ کا مشیر بنایا جائے گا،اس سے پہلے تحریک انصاف کے بیرسٹر خالد خورشید کو وزیراعلیٰ جبکہ پیپلزپارٹی کے امجد حسین ایڈووکیٹ کو اپوزیشن لیڈر منتخب کر لیاگیا تھا۔