کورونا کی وبا، لعل شہباز قلندرؒ کا عرس بھی منسوخ

عرس مبارک کی تمام سرکاری تقریبات بھی منسوخ کردی گئی
سیہون شریف (نیوز ڈیسک) کورونا وائرس کے خدشے کے پیش نظرسیہون شریف میں حضرت لعل شہباز قلندر ؒکا 3 روزہ عرس بھی نہیں ہوسکا، سندھ حکومت نے 18 سے 20 شعبان تک 3 روزہ سالانہ عرس منسوخ کردیا، ڈپٹی کمشنر نے اعلامیہ جاری کرتے ہوئے بتایا کہ قلندر لعل شہبازؒ کے عرس میں 20 لاکھ زائرین شریک ہوتے ہیں، لیکن کورونا وائرس کے خدشے کے باعث عرس کی تقریبات ملتوی کردی گئیں ہیں، عرس انشااللہ اگلے سال منعقد کیا جائے گا، رواں سال عرس مبارک کی تمام سرکاری تقریبات بھی منسوخ کردی گئی ہیں، ہر سال عرس کی تقریبات میں گورنر اور وزیر اعلی سندھ شریک ہوتے ہیں۔