مولوی عبدالعزیز پر ایک اور مقدمہ،لیکن گرفتاری سوالیہ نشان

ملک مخالف نعرے، جذبات بھڑکانے اور دفعہ 144کی خلاف ورزی کے الزامات
راولپنڈی (نیوز ڈیسک)لال مسجد کے سابق خطیب مولانا عبد العزیز سمیت 7 افراد کے خلاف ایک اور مقدمہ بن گیا لیکن گرفتاری کے بارے میں کچھ پتہ نہیں،اس بار ان پر پاکستان کیخلاف نعرے‘ جہادی ترانوں سے لوگوں کے جذبات بھڑکانے اور اجتماع کرکے دفعہ 144کی خلاف ورزی کرنے کے الزام میں مقدمہ بنایا گیاہے،تھانہ آبپارہ میں درج کئے گئے مقدمہ نمبر 138 کے مطابق پولیس ٹیم لال مسجد کے قریب ڈیوٹی پر موجود تھی کہ مولانا عبدالعزیز نے لال مسجد میں نماز جمعہ باجماعت پڑھانے کا اعلان کر دیا اور لاؤڈ سپیکر پر ترانے و جہادی نعرے بازی شروع کر دی۔