ملعون وسیم رشدی کی بھارتی عدالت میں رسوائی

26 آیات حذف کرنے کی درخواست مسترد،50ہزار روپے جرمانہ
نئی دہلی(نیوز ڈیسک)بھارت کی سپریم کورٹ نے قرآن سے 26 آیات حذف کرنے کی درخواست مسترد کرتے ہوئے درخواست گزار کو 50 ہزار روپے جرمانہ ادا کرنے کا بھی حکم دیا ہے، عدالت نے اْتر پردیش کے شیعہ سینٹرل وقف بورڈ کے سابق چیئرمین وسیم رضوی کی درخواست کو بیہودہ قرار دے کر مسترد کر دیا،وسیم رشدی نے اپنی درخواست میں دعویٰ کیا تھا کہ قرآن میں 26 ایسی آیات ہیں جو ]نعوذ باللہ[ دہشت گردی پھیلانے کا باعث بنتی ہیں اور دہشت گرد تنظیمیں جہاد کو فروغ دینے کے لیے مبینہ طور پر ان آیات کا استعمال کرتی ہیں، مسلم تنظیموں اور سیاسی جماعتوں نے سپریم کورٹ کے فیصلے کا خیر مقدم کیا ہے۔