مغرب میں کورونا کا قہر شدید ہوگیا، نئی قسم بھی پھیل گئی

 اموات اور کیسز کی شرح میں بے تحاشا اضافہ، اسپتالوں میں جگہ ختم
 لندن (نیوز ڈیسک) کورونا ویکیسن پر اجارہ داری کے باوجود کرسمس کے بعد مغربی دنیا میں کورونا کا قہر شدت اختیار کرگیا جبکہ وائرس کی نئی قسم بھی تیزی سے پھیلنے لگی ہے ،امریکا ،برطانیہ اور یورپی یونین کے ممالک میں عالمی وبا سے اموات اور کیسز کی شرح میں بے تحاشا اضافہ ہورہاہے،برطانیہ سمیت کئی ممالک کے اسپتالوں میں جگہ تقریباًختم ہو گئی ہے،ابھی پہلے وائرس سے جان نہیں چھوٹی تھی کہ مغربی دنیا میں نئی قسم کے کورونا وائرس نے تیزی سے پھیلنا شروع کردیا ہے اور اب تک یہ وائرس برطانیہ سے نکل کرتقریباً تمام ہی یورپی ممالک کو اپنی لپیٹ میں لے چکا ہے، 31دسمبر تک دنیا بھر میں کورونا کے متاثرین کی تعداد ساڑھے 8کروڑ اور اموات 18لاکھ سے تجاوز کرچکی ہیں، کورونا کے قہر کے باجود مغربی دنیا امتیازی سلوک سے جان نہیں چھڑاسکی ہے،امریکا،کینیڈا،یورپی ممالک میں ویکسی نیشن شروع ہوگئی ہے جبکہ غریب اور ترقی پذیر ممالک حسرت سے تمام صورتحال کو دیکھ رہے ہیں