مدارس ومساجد کے معاملات جلد طے ہوجائیں گے،طاہر اشرفی

بین المذاہب ہم آہنگی کونسلز کی 30 رکنی کمیٹی کا اعلان جلد کر دیا جائے گا
لاہور(نیوز ڈیسک) چیئرمین پاکستان علما کونسل و نمائندہ خصوصی وزیر اعظم طاہر محمود اشرفی نے دعویٰ کیا ہے کہ نئے تعلیمی سال سے قبل مدارس و مساجد کی رجسٹریشن ، بینک اکاﺅنٹس اور دیگر امورطے کرکرلیں گے، مدارس و مساجد کا ملک میں انتشار پھیلانے والی کسی بھی تحریک سے کوئی تعلق نہیں ، علما ءو مشائخ کنونشن سے خطاب میں طاہر محمود اشرفی نے کہاکہ موجودہ حکومت پاکستان کو مدینہ منورہ کی ریاست کی طرف لے کر جانا چاہتی ہے، ریاست مدینہ کی طرز کی ریاست کیلئے سب کو محنت کرنی ہو گی،وقف املاک ایکٹ کے حوالے سے علما و مشائخ کو جلد خوشخبری دیں گے،بین المذاہب ہم آہنگی کونسلز کی 30 رکنی مرکزی کمیٹی کا اعلان جلد کر دیا جائے گا،انہوں نے کہا کہ توہین رسالت و توہین مذہب کے قانون کا غلط استعمال نہیں ہو رہا ہے ، تمام اقلیتوں کو یقین دلاتے ہیں کہ آئین پاکستان کے تحت دئیے گئے ان کے حقوق کا تحفظ ہو گا