لبنانی معاملات میں فرانس کی مداخلت پر برہمی

فرانسیسی صدر ثالث نہیں سرپرست بننا چاہتا ہے،سیاسی اتحاد
بیروت (نیوز ڈیسک)لبنان کی قومی سیاسی جماعتوں، گروہوں اور قومی شخصیات نے اپنے ملک کے امور میں فرانس کی مداخلت پر سخت تنقید کی ہے،سیاسی اتحاد مجمع احزاب اور قومی شخصیات نے اعلان کیا ہے کہ امانوئل میکرون کے بیانات سے لگتا ہے کہ وہ ثالث کے بجائے سرپرست کا کردار ادا کرنا چاہتے ہیں اور فرانس لبنان میں اپنا سابقہ سامراجی کردار ادا کرنے کے لئے بے چین نظرآتا ہے، مجمع احزاب نے ملکی اقتدار اعلی کے تحفظ، دشمنوں کی پالیسیوں کو تسلیم نہ کرنے اور غاصبوں کے ساتھ تعلقات بحال نہ کرنے کے موقف پر ڈٹے رہنے پر زور دیا ہے