فضل الرحمن اسلام نہیں ، مال کی سیاست کرتے ہیں،پیر معصوم نقوی

عوام نے پی ڈی ایم اورمولانا کی فسادی سیاست کو مسترد کر دیا
لاہور( پ ر ) جمعیت علمائے پاکستان کے سربراہ قائد اہل سنت پیر سید محمد معصوم حسین نقوی نے کہا ہے کہ مولانا فضل الرحمن کی مفادات پر مبنی سیاست کی ہنڈیا بیچ چوراہے ٹوٹ گئی ہے۔مولانا شیرانی، حافظ حسین احمد سمیت دیگر رہنماو ¿ں کو جب تک قومی اسمبلی اور سینٹ کی سیٹیں ملتی رہی ہیں ،وہ جے یو آئی کی قیادت کے ساتھ رہے ہیں، اب جب ان کی خواہشات پوری نہیں ہوئیں تو انہوں نے قیادت کو ہی چیلنج کرنا شروع کر دیا ہے۔اس مفادپرست ٹولے کی نظر ہمیشہ اقتدار پر ہی رہی ہے،جے یو آئی کے درمیان نظریات نہیں، مال کی جنگ ہے،جس کی وجہ سے پارٹی رہنما چھوڑ نے لگے ہیں۔ مولانا فضل الرحمن اسلام نہیں ،مفادات اور مال کی سیاست کرتے ہیں، وہ اسلام کا صرف نام استعمال کرتے ہیں تاکہ ہمیشہ اقتدار میںرہیں،2018ءکے الیکشن میں ناکامی کے بعد جب سے اقتدار سے باہر نکلے ہیں،پریشان ہیں۔ خفت کو مٹانے کیلئے ملکی حالات خراب کرنا چاہتے ہیں۔ عوام نے پی ڈی ایم اورمولانا کی فسادی سیاست کو مسترد کر دیا ہے۔