طالبان کو منشیا ت سے سالانہ 40کروڑ ڈالر آمدنی،امریکی رپورٹ

طالبان نے 2019 میں منشیات کی پیداوار اور اسمگلنگ میں اضافہ کیا
 کابل(نیوز ڈیسک) طالبان کو 2018 اور 2019 کے درمیان منشیات کی اسمگلنگ سے 40 کروڑ ڈالر کا فائدہ ہوا ہے،امریکی ادارے کی خصوصی رپورٹ کے مطابق منشیات کی پیداوار اور اسمگلنگ طالبان کے ہاتھ میں ہے اور اس سے طالبان کو کافی فائدہ ہوتا ہے ، طالبان نے 2019 میں منشیات کی پیداوار اور اسمگلنگ میں اضافہ کیا اور طالبان کی آمدنی کا 40 سے 60 فیصد ذریعہ منشیات کی اسمگلنگ سے حاصل ہوتا ہے ، پوری دنیا میں منشیات کی 90 فیصد اسمگلنگ افغانستان سے ہوتی ہے ، افغانستان پر امریکی قبضے کے بعد سے اس ملک میں منشیات کی پیداوار دگنی ہوگئی ہے ۔