شامی فوج ادلب میں دوبارہ آپریشن کیلئے تیار

حلب اور لاذقیہ شاہراہ روسی فوج کی مدد سے کھول دی جائیگی
دمشق(نیوزڈیسک) شامی فوج نے صوبہ ادلب میں دہشت گردوں کے خلاف دوبارہ آپریشن کی تیاری مکمل کرلی، ادلب کے نائب گورنر نے دہشت گردوں کے خلاف دوبارہ آپریشن کے لئے شامی فوج کی آمادگی کا اعلان کیا ہے، انہوں نے ایک بیان میں کہا کہ ایسی ٹھوس اطلاعات موجود ہیں کہ دہشت گرد گروہ بالخصوص جبہت النصرہ نے علاقے کے باشندوں کو اس بات پر مجبور کیا ہے کہ وہ حلب اور لاذقیہ شاہراہ کو کھولنے نہ دیں، روس نے ترکی کو موقع دیا تھا کہ وہ 15 مارچ تک اس قومی شاہراہ کو خالی کرا دے لیکن انقرہ ایسا نہ کرسکا اوراب فوجی کارروائیوں کے ذریعے یہ شاہراہ کھلوائی جائے گی۔