سوشل میڈیا کافتنہ فرقہ واریت کی سازش ہے، آغا راحت الحسینی

تکفیری گروہ پاک فوج اور اہل تشیع کے درمیان اختلاف پیدا کرنا چاہتا ہے
گلگت ( پ ر) پاکستان میں اب شیعہ سنی کوئی مسئلہ نہیں رہا سب مسلمان ہیں ہماری خوشی غمی مفادات مشترکہ ہیں علاقے کی ترقی اور امن و امان ہم سب کی ضرورت ہے صوبائی حکومت میرٹ پر کام کرے بھرپور تعاون کرینگے ان خیالات کا اظہار علامہ آغا سید راحت حسین الحسینی نے مرکزی امامیہ جامع مسجد گلگت میں جمعہ کے اجتماع سے خطاب کرتے ہوئے کیاانہوں نے کہا سوشل میڈیا پر شروع ہونے والا فتنہ علاقے میں فرقہ واریت پھیلانے کی سازش ہے شر پسند تکفیریت گروہ کفر کے فتوے دیکر تفرقہ ایجاد کر رہا ہے ہمارے رہبر اور مجتہدین کے واضح فتوے موجود ہیں جن میں کسی بھی مذہب کے مقدسات کی توہین کو حرام قرار دیا ہے یہ کیسے ممکن ہے شیعہ جوان کسی کی مقدسات کی توہین کریں یہ سب شر پسند تکفیری گروہ کی سازش ہے جو کبھی کفر کے فتووں تو کبھی فرقہ واریت پھیلا کر اپنے مذموم مقاصد حاصل کرنا چاہتے ہیں اس گروہ نے پاک کی وردی پہن کر پاک فوج کے جوانوں سمیت شیعہ سنی سب کودہشت گردی کا نشانہ بنایا یہ گروہ پاک فوج اور اہل تشیع کے درمیان اختلاف پیدا کرنا چاہتا ہے ان کی یہ سازش کسی صورت کامیاب نہیں ہوگی ۔