Ilyas 
بھارت کے گواہ بھیجنے سے انکار سے ممبئی حملہ کیس میں قانونی عمل رکا ہوا ہے،امریکا اپنے تحفظات دہشت گردی کی بھارتی منصوبہ بندی، فروغ، مالی معاونت کیلئے رکھے
پاکستان کا قانونی نظام مو ¿ثر ہے تحقیقات، پراسیکیوشن اور بتدریج سزا پر عمل ہورہا ہے، کافی ناقابل تردید ثبوت پہلے ہی فراہم کیے جاچکے ہیں،ترجمان دفتر خارجہ
اسلام آباد(نیوز ڈیسک) ممبئی حملہ کیس اور ذکی الرحمان لکھوی کی سزا کے معاملے پر پاکستان نے امریکا کو سخت جواب دے دیا، امریکی محکمہ خارجہ کے بیان پر ردعمل میں پاکستانی دفترخارجہ کے ترجمان نے کہا کہ بھارت کے گواہ بھیجنے میں ہچکچاہٹ سے ممبئی حملہ کیس میں قانونی عمل رکا ہوا ہے،مریکا اپنے تحفظات دہشت گردی کی بھارتی منصوبہ بندی، فروغ، مالی معاونت کیلئے رکھے، پاکستان کا قانونی نظام موثر ہے، قانونی عمل کے ذریعہ تحقیقات، پراسیکیوشن اور بتدریج سزا پر عمل ہورہا ہے، کافی ناقابل تردید ثبوت پہلے ہی فراہم کیے جاچکے ہیں، پاکستان اپنے قوانین پر مکمل عملدرآمد اور اپنی قومی ذمہ داریاں پوری کررہا ہے، امریکی بیان میں ذکی الرحمان لکھوی کو سزا سنانے کا خیرمقدم کرتے ہوئے کہا گیا تھاکہ امریکا اسے دہشت گردی کا ذمہ دار قرار دینے کی سمت میں درست قدم تصور کرتا ہے ، وہ اس معاملے کو قریب سے دیکھ رہا ہے اور یہ کہ ذکی الرحمان لکھوی کی ممبئی حملوں میں ملوث قرار دیا جائے
