دہشت گردوں کے حملوں میں تیزی،5 سیکیورٹی اہلکار شہید

ایک جوان کی بلوچستان میں شہادت،4 جوان جنوبی وزیرستان میں شہید ہوئے
کراچی (نیوز ڈیسک)ملک میں دہشت گردوں کی کارروائیوں میں تیزی آنے لگی ، صوبہ بلوچستان میں فرنٹیئر کور کی پوسٹ پر دہشتگردوں کے حملے میں سیکیورٹی اہلکار اسد مہدی شہید ہو گئے، جنوبی وزیرستان میں دہشت گردوں نے چیک پوسٹ پر حملہ کیا، جس میں 4 جوان شہید ہوگئے، جوابی کارروائی میں 4 امن دشمن مارے گئے، شہدا میں لانس نائیک عمران علی، سپاہی عاطف جہانگیر، سپاہی انیس الرحمان اور سپاہی عزیز شامل ہیں، 4 فروری کو شمالی وزیرستان کے علاقے میر علی میں سیکیورٹی فورسز کو ایک کمپانڈ میں دہشت گردوں کی موجودگی کا علم ہوا تھا، جس پر اہلکاروں نے علاقے کو گھیرے میں لیا تھا، فائرنگ کے تبادلے میں 4 دہشت گرد ہلاک ہوئے تھے