حکومت ضلع نگر کے کورونا وائرس متاثرین کیلئے جنگی بنیادوں پر اقدامات اٹھائے،امامیہ کونسل

گلگت (نیوز ڈیسک) مرکزی امامیہ کونسل گلگت بلتستان کا اجلاس مرکزی آفس گلگت میں منعقد ہوا،اجلاس میں امامیہ کونسل گلگت بلتستان کے اراکین کے علاوہ علمائے کرام،عوامی آگاہی کمیٹی،انتظامیہ رابطہ کمیٹی، تحریک اسلامی،مجلس وحدت مسلمین،امامیہ آرگنائزیشن،امامیہ اسٹوڈنٹس آرگنائز یشن اور امامیہ ڈیزاسٹر سیل کے عہدیداران نے شرکت کی،اجلاس میں صوبائی حکومت کی جانب سے وبائی مرض کی روک تھام،ملک کے دیگر صوبوں میں پھنسے ہوئے گلگت بلتستان کے عوام اور طلباء و طالبات کو علاقے میں پہچانے کیلئے سفری سہولیات دینے اور متاثرین کی جلد صحت یابی کے حوالے سے اب تک کیے جانے والے اقدامات پر اطمینان کا اظہار کر تے ہوئے یہ گزارش کی گئی کہ ان اقدامات میں مزید بہتری لا ئیں۔اجلاس میں گلگت بلتستان میں کورونا وائرس کے مریضوں کیلئے اور بالخصوص ضلع نگر میں جنگی بنیادوں پر اقدامات اْٹھانے کی ضرورت پر ذور دیا گیا۔