جواد ظریف کے ریمارکس پر ولی امر مسلمین کی برہمی

وزیرخارجہ کی فوج پر تنقید کو حیران کن اور تباہ کن تھی ،ولی امر مسلمین
تہران (نیوزڈیسک)ولی امر مسلمین آیت اللہ علی خامنہ ای نے وزیرخارجہ محمد جواد ظریف کی افشا آڈیو ریکارڈنگ میں فوج پر تنقید کو حیران کن اور تباہ کن قراردیا ہے ،انہوں نے کہا کہ ہم نے حال ہی میں ملک کے عہدے داروں میں سے ایک سے کچھ سنا ہے،یہ بہت ہی حیرت انگیزاور تباہ کن تھا،انھوں نے اپنی تقریر میں کسی بھی مرحلے پر وزیرخارجہ جواد ظریف کا نام نہیں لیا ہے،البتہ یہ کہا ہے کہ وہ امریکا کے دعووں کی ہاں میں ہاں ملا رہے ہیں ، ہمیں ایسی باتیں نہیں کرنی چاہییں جن سے یہ لگے کہ ہم امریکیوں ہی کے موَقف کا اعادہ کررہے ہیں ،وزارتِ خارجہ کا کام اعلیٰ اداروں اور عہدے داروں کی وضع کردہ پالیسیوں پر عمل درآمد ہے،دنیا میں کہاں وزارت خارجہ کسی ملک کی خارجہ پالیسی کا تعیّن کرتی ہے۔