تکفیریوں کا کراچی میں دہشت گردی کا بڑا منصوبہ ناکام

شاہ لطیف ٹاون مقابلہ میں ایک دہشت گرد ہلاک، 5گرفتار، 3 افغان حساس ادارے اور سیکورٹی فورسز کے سابق اہلکار ہیں، قندھار سے ہدایات مل رہی تھیں
سندھ اسمبلی، اہم مقامات اور شخصیات دہشت گردوں کا ہدف تھے،بارود سے بھرا رکشہ ،اسلحہ ،خودکش جیکٹس،راکٹس اور اہم مقامات کے نقشے برآمد
کراچی( نیوز ڈیسک)) تکفیریوں کا کراچی میں دہشت گردی کا بڑا منصوبہ ناکام ہوگیا، سی ٹی ڈی پولیس اور حساس اداروں نے خفیہ اطلاعات پرشاہ لطیف ٹاون سیکٹر21 A میں واقع ایک مکان پر چھاپہ مارا،فائرنگ کے تبادلے میں ایک دہشت گرد ہلاک اور 5کو گرفتار کر لیا گیا، دہشت گردوں کے ٹھکانے سے بارود سے بھرا رکشہ،4کلاشنکوف معہ میگزین، کلاشنکوف کے 12 میگزین ا ور 500زندہ راونڈ ، 3خودکش جیکٹس ، 2 راکٹ،12ڈیٹو نیٹر،13بارودی بلاکس، 12ہینڈ گرینیڈ، اہم تنصیبات کے نقشے اور دیگر اشیا بر آمد کی گئی ہیں، پولیس کامزید کہنا ہے کہ گرفتار دہشت گردوں کا ٹارگٹ سندھ اسمبلی، اہم مقامات اور اہم شخصیات کو ہدف بنانا تھا اور یہ سندھ اسمبلی پر حملہ کرنا چاہتے تھے، کارروائی میں ہلاک اور گرفتار دہشت گردوں میں سے 3 افغان حساس ادارے اور سیکورٹی فورسز کے سابق اہلکار تھے جو بظاہر اب ’را‘ کیلئے کام کر رہے تھے ، دہشت گردوں کو افغانستان کے شہر قندھار سے ہدایات دی جارہی تھیں