بحرین: سیاسی بالخصوص کورونازدہ قیدیوں کی رہائی کا مطالبہ

 غیرانسانی سلوک سے سیاسی قیدیوں کی صحت کو سخت نقصان پہنچا ہے،جمعیت الوفاق
مناما(نیوز ڈیسک) بحرین کے عوام نے مظاہرہ کر کے تمام سیاسی بالخصوص کورونا وائرس میں مبتلا قیدیوں کی رہائی کا مطالبہ کیا ہے، مناما کے مضافاتی علاقہ میں مظاہرہ کرکے شہریوں نے قیدیوں پر تشددکی مذمت کی اور مطالبہ کیا کہ کورونا وائرس میں مبتلا قیدیوں کو فی الفور رہا کیا جائے، مظاہروں کے ساتھ ہی ” بحرینی سیاسی قیدیوں کو بچاو ” کے زیر عنوان ہیش ٹیگ ٹرینڈ چلتا رہا، جمعیت الوفاق نے اعلان کیا ہے کہ تشدد اور غیرانسانی سلوک کے باعث سیاسی قیدیوں کی صحت کو سخت نقصان پہنچا ہے اور ان کی جسمانی حالت نہایت خراب ہے ،بحرین میں سیاسی قیدیوں پر بدترین تشدد اور جیلوں کی خراب صورت حال کے پیش نظر منامہ کو انسانی حقوق کی حامی تنظیموں کی جانب سے دباو کا سامنا ہے