افغان جنگ:امریکی کانگریس نے حکومت سے گواہ مانگ لئے

 وزارت خارجہ اور دفاع اسٹریٹیجی جائزہ کیلئے گواہ پیش کرنے سے کترا رہے ہیں
واشنگٹن (نیوز ڈیسک) امریکی ایوان نمائندگان کے ڈیموکریٹ ارکان نے وزیر خار جہ مائیک پومپیو اور وزیردفاع مارک ایسپرسے مطالبہ کیا ہے کہ وہ افغانستان کے بارے میں حالات کا جائزہ لینے کے لئے ہونے والے اجلاس میں گواہ پیش کریں ،ایوان کی اصلاحات اور نگراں کمیٹی کے ڈیموکریٹ ممبران نے اعلان کیا کہ ایک سال ہو چکا ہے لیکن وزارت خارجہ اور وزارت دفاع افغانستان کے حالات کے سلسلے میں امریکی اسٹریٹیجی کا جائزہ لینے کے لئے ایک گواہ پیش کرنے سے کترا رہے ہیں ، اگر یہ دونوں وزارتیں شرکت یقینی نہیں بنائیں گے تو پھر قومی سلامتی کی ذیلی کمیٹی کے پاس جبری پروسس کے ذریعے گواہی لینے کے سوا کوئی چارہ نہیں رہ جائے گا ، ممبران پارلیمنٹ نے افغانستان میں فوج کی تعداد میں کمی کرنے کے صدر ٹرمپ کے فیصلے پر بھی تشویش ظاہر کی ہے