آسٹریا میں پکڑدھکڑ،اخوان المسلمین اور حماس بھی نشانہ پر

 60 سے زائد مقامات پر دھاوا ، لاکھوں یورو ضبط ،30مشتبہ افراد سے پوچھ گچھ
ویانا(نیوز ڈیسک) آسٹریا نے مبینہ دہشت گردوں سے نمٹنے کیلئے بڑے پیمانے پر پکڑ دھکڑ شروع کردی ہے، پولیس نے انتہاپسندی و دہشت گردی کے الزام کے تحت 60 سے زائد مقامات پر دھاوا بولا اور لاکھوں یورو نقدی ضبط کرلی جبکہ 30 مشتبہ افراد سے پوچھ گچھ کے احکامات بھی جاری کردیے گئے،سیکورٹی حکام نے بتایا کہ وہ 70 سے زائد مشتبہ افراد اور متعدد انجمنوں کے خلاف تحقیقات کر رہے ہیں اور ان میں سے بعض ایسے بھی ہیں جن پر شبہ ہے کہ ان کا تعلق اخوان المسلمین اور حماس سے ہے، وزیر داخلہ کارل نہمیر نے ایک بیان میں کہا کہ ہم اپنی پوری قوت کے ساتھ ان مجرموں، انتہا پسندوں اور غیر انسانی تنظیموں کے خلاف کارروائی کر رہے ہیں