کوروناکی وبا سے بچنے کیلئے ڈاکٹرز کی ہدایات پر عمل کریں، آیت اللہ سیستانی

بلا کی دوری کے لئے اللہ تعالی کی بارگاہ میں راز و نیاز اور دعا کریں
نجف (نیوز ڈیسک) بزرگ مرجع آیت اللہ العظمیٰ سید علی حسینی سیستانی نے عوام سے کہا ہے کہ وہ ڈاکٹرز کی ہدایات پر عمل اور اہل خیر حضرات متاثرین کی بھرپورمدد کریں، کورونا وائرس کے حوالے سے پوچھے گئے سوال کے جواب میں انہوں نے کہا کہ کہ اس بلا کی دوری کے لئے اللہ تعالی کی درگاہ میں راز و نیاز اور دعا کریں امید ہے کہ مومنین کی دعا اللہ کے حضور موجب اجابت واقع ہوجائے، حفظان صحت کے اصولوں کی حدالامکان رعایت کریں، اس بیماری سے محفوظ رکھنے کے لئے دوسروں کی مدد کریں اور ممکن ہو تو اس میں مبتلا افراد کی مدد کریں تاکہ وہ اس سے نجات پاسکیں،البتہ آخری دو صورتیں بعض حالات میں واجب ہونگی۔