کورونا کی آڑمیں داعش عراق میں پھر فعال

عراقی فورسز کے آپریشن میں رواں سال 135 دہشت گرد ہلاک
بغداد (نیوز ڈیسک) دنیا کی توجہ کورونا وائرس پر ہونے کی وجہ سے دہشت گرد تنظیم داعش عراق میں پھر فعال ہوگئی،عراقی انٹیلی جنس کے مطابق داعش کا موجودہ سربراہ اور البغدادی کا جانشین حجی عبداللہ المعروف ابراہیم القرشی عراق میں داخل ہوگیا،حالیہ چند ہفتوں کے دوران داعش نے متعدد دہشت گردانہرروائیاں کی ہیں۔کرکوک میں داعش نے انٹیلی جنس ہیڈکوارٹر پر حملہ کردیا۔ دفتر میں 2 حملہ آوروں نے گھسنے کی کوشش کی سیکیورٹی اہلکاروں نے روکا توحملہ آوروں نے خود کو دھماکے سے اڑا دیاواقعہ میں 4 سیکیورٹی اہلکار زخمی ہوئے،ادھر عراقی فوجیوں اور سیکیورٹی اہلکاروں نے بھی داعش کے خلاف آپریشن تیز کردیا ہے، رواں سال اب تک 135 دہشت گرد ہلاک ہو چکے ہیں، بم بنانے والے637 خفیہ ٹھکانوں اور279 سرنگوں کو تباہ جبکہ 6079 بموں اور 51 دھماکہ خیز بیلٹوں کو ناکارہ بنایا ہے۔