کورونا کا بہانہ، امریکا داعش کی واپسی کی کوشش میں

امریکا رضاکار فورس کو الانبار سے باہر نکالنا چاہتا ہے،کمانڈر الحشد الشعبی
بغداد (نیوز ڈیسک) عراق کے صوبہ الانبار میں عراقی رضاکار فورس الحشد الشعبی کے کمانڈر کا کہنا ہے کہ امریکا، صوبہ الانبار میں کورونا وائرس کی افواہ پھیلا کر رضاکار فورس کو اس صوبے سے باہر نکالنا چاہتا ہے تاکہ داعش کے دہشت گردوں کو واپس لایا جا سکے،انہوں نے کہاکہ عین الاسد چھاؤنی سے امریکی فوجیوں کا انخلا ابھی نہیں ہوا بلکہ وہاں پر امریکی فوجیوں کی تعداد بڑھ رہی ہے، امریکا، عراق میں کورونا وائرس کی افواہ پھیلا کر یہ کوشش کر رہا ہے کہ داعش کے دہشت گردوں کی واپسی کا زمینہ فراہم کر سکے۔