کربلا اور نجف کورونا سے پاک، آخری مریض رخصت

نجف میں روضہ علی ایک ماہ کی بندش کے بعد زائرین کیلئے کھول دیاگیا
نجف (نیوز ڈیسک) عراق میں دونوں مقدس شہر نجف اور کربلا کورونا وائرس سے پاک قرار دے دئے گئے، حکومت نے نجف اشرف میں امیر المومنین حضرت علی علیہ السلام کے روضہ مبارک کو ایک ماہ کی بندش کے بعد زائرین کیلئے کھول دیاگیا، آیت اللہ العظمیٰ سید علی حسینی سیستانی نے وباپھیلنے کے بعد حکم دیا تھا کہ عوام پر حکومت اور محکمہ صحت کی ہدایات اور احتیاطی تدابیر پر عمل کرنا واجب ہے،ان کے فتوے کے تناظر میں 15دن تک کوئی بھی شہری گھر سے باہر نہیں نکلا، حرم کھلنے کے بعد زائرین کا جم غفیر پہنچ گیا اور لوگ ضریح مبارک سے لپٹ کر گریہ وزاری کرتے رہے،ادھر کربلا میں بھی کورونا وائرس کا آخری مریض بھی صحت یاب ہوکر گھر چلاگیا۔