کراچی میں شاندارفلسطین مارچ اتحاد ویکجہتی کا مظہر

تمام مکاتب فکرکے رہنما شریک، فلسطینی مسلمانوں سے بھرپور یکجہتی
 کراچی (نیوز ڈیسک)جماعت اسلامی نے کراچی میںشاہراہ فیصل پر شاندار ”فلسطین مارچ“کا اہتمام کیا۔ جس میں مرد وخواتین، بچے،بزرگ، نوجوان سمیت مختلف شعبہ زندگی سے وابستہ افرادشریک ہوئے، شرکانے قبلہ اوّل کی بے حرمتی،بیت المقدس کے خلاف اور فلسطینی مسلمانوں کی جدو جہد سے بھرپور اظہار یکجہتی کیا ، مجلس وحدت مسلمین کے رہنما علامہ محمد صادق جعفری نے خطاب کرتے ہوئے شاندار ریلی کے انعقاد پر جماعت اسلامی کی قیادت کو خراج تحسین پیش کیا، اس موقع پر شیعہ علما کونسل کا وفد علامہ غلام محمد کراروی کی سربراہی میں شریک ہوا ،مارچ میں شریک نوجوانوں کی بڑی تعداد نے سرخ رنگ کی شرٹ پہنی ہوئی تھی جن پر لبیک یا اقصیٰ تحریر تھا اور مسجد اقصیٰ کی تصویر بنی ہوئی تھی اس طرح سیکیورٹی پر معمور نوجوانوں نے کالے رنگ کی شرٹ پہنی ہوئی تھی