پنجاب کے بلدیاتی انتخابات ایم ڈبلیو ایم کا بھرپورشرکت کا اعلان

سیاسی کونسل کے اجلاس میں بلدیاتی انتخابات سے متعلق سیاسی حکمت عملی مرتب
لاہور (نیوز ڈیسک) مجلس وحدت مسلمین نے پنجاب میں مجوزہ بلدیاتی انتخابات سے متعلق سیاسی حکمت عملی مرتب کر لی ، مجلس وحدت مسلمین پنجاب کی پولیٹیکل کونسل کا اجلاس وحدت ہاوَس لاہور میں ہوا، جس میں مرکزی سیکرٹری سیاسیات مجلس وحدت مسلمین پاکستان اسد نقوی نے خصوصی شرکت کی اور فیصلہ کیا گیا کہ بلدیاتی انتخابات میں بھرپور حصہ لیا جائے گا، اجلاس میں بتایا گیا کہ سیکرٹری جنرل ایم ڈبلیو ایم پنجاب علامہ عبدالخالق اسدی نے بلدیاتی انتخابات کیلئے لاہور، شیخوپورہ، گوجرانوالہ، منڈی بہاوَالدین اور راولپنڈی کے اضلاع میں بلدیاتی انتخابات کے حوالے سے سر فہرست دورہ جات فائنل کرکے اضلاع کی تائید کے ساتھ سیاسی حکمت عملی مرتب کرلی ہے ، علامہ عبدالخالق اسدی کا کہنا تھا کہ انشا اللہ بلدیاتی انتخابات میں بھرپور حصّہ لیں گے۔