پاکستان پر مبینہ سرجیکل اسٹرائیک سے بھارت کو کچھ نہیں ملا

 بھارتی قیادت کو تشہیر سے باز رہنا چاہیے تھا،عوام کو غلط پیغام گیا،پرنب مکھرجی
نئی دہلی(نیوز ڈیسک)بھارت کے سابق صدر آنجہانی پرنب مکھرجی نے اپنی کتاب میں تسلیم کیا ہے کہ بھارت کو 2016 میں پاکستان میں کی گئی مبینہ سرجیکل اسٹرائیک اور اس کی ضرورت سے زیادہ تشہیر سے کچھ حاصل نہیں ہوا، اپنی یادداشت ‘صدارتی سال: 2012 سے2017 تک میں پرنب مکھرجی نے لکھا کہ پاکستان کی کارروائیوں کے جواب میں بھارت ایسے اقدامات کرتا رہتا ہے، یہ کوئی نئی بات نہیں، یہ معمول کی کارروائی ہے، اڑی میں دہشت گرد حملے کے بعد بھارتی کارروائی کے بارے میں پرنب مکھرجی کا کہنا ہے کہ بھارتی قیادت کو اس عمل سے باز رہنا چاہیے تھا، اگر ہم ایسے واقعات سے کوئی سیاسی فائدہ اٹھانے کی کوشش کریں تو اس سے فوج کی حوصلہ شکنی ہوتی ہے اور عوام میں ایک غلط تصویر بنتی ہے۔