پاکستان میں ناصبیت کیلئے کوئی گنجائش نہیں ، امین شہیدی

یزیدیت پرست قوتیں جو حسینیت کو محدود کرنا چاہتی تھیں آج آ کر دیکھ لیں ، اجتماع سے خطاب
راولپنڈی (نیوز ڈیسک) امت واحدہ پاکستان کے سربراہ علامہ امین شہیدی نے کہا ہے کہ دنیا کی کوئی طاقت عزاداری سے نہیں روک سکتی ، مذہبی منافرت کا پرچار کرنے والی یزیدیت پرست قوتیں جو حسینیت کو محدود کرنا چاہتی تھیں آج آکر دیکھ لیں کہ پاکستان کے کونے کونے میں یاحسین ع کی صدائیں بلند ہو رہی ہیں ،اربعین کے مرکزی جلوس میں نماز ظہرین کے اجتماع سے خطاب میں امین شہیدی نے کہا کہ آج ہر گلی ہر محلہ کل ارض کربلاکا منظر پیش کر رہا ہے، آج کا اربعین اس عزم کا اظہار ہے کہ ارض پاک میں ناصبیت کے لیے کوءگنجائش نہیں انہوں نے کہا کہ امام حسین ع کسی مسلک کی میراث نہیں ہیں ہر باشعور بشر اور ہر وہ دل جس میں نبی کریم حضرت محمد صلی اللہ علیہ وآلہ وسلم کی محبت موجود ہے اسے امام عالی مقام اور ذکر امام سے محبت ہے۔