ٹرمپ کی حرکتوں سے ری پبلکن پارٹی میں پھوٹ

سینئرز کی خاموشی پر عہدیدار مایوس، پارٹی چھوڑ کر جانے لگے
واشنگٹن(نیوز ڈیسک) ٹرمپ کی حرکتوں سے ری پبلکن پارٹی میں پھوٹ پڑگئی اور سابق امریکی صدر جارج ڈبلیو بش کی انتظامیہ میں شامل درجنوں عہدیدار ری پبلکن پارٹی چھوڑنے لگے، بش انتظامیہ میں اہم عہدوں پر کام کرنے والوں کو صدر ٹرمپ کی شکست پر امید تھی کہ پارٹی لیڈر آگے بڑھیں گے اور ٹرمپ کے بے بنیاد دعوے کو مسترد کریں گے مگر ایسا نہ کیا گیا اور زیادہ تر ری پبلکن قانون ساز ٹرمپ کے ساتھ کھڑے رہے، جس کی وجہ سے بعض ممبران نے ممبرشپ چھوڑ دی ہے اور بہت سے انتظار کر رہے ہیں کہ ممبر شپ کا عرصہ خود ہی ختم ہو جائے، پارٹی چھوڑنے والے سینیئر عہدیدار کہتے ہیں کہ یہ وہ جماعت نہیں رہی جس کے لیے انہوں نے کام کیا۔ جس ری پبلکن پارٹی کو وہ جانتے تھے وہ اب نہیں رہی۔ ہم اسے ٹرمپ کا قبیلہ کہیں گے