مسلمان کسی کی بھی دستوری آزادیوں کے خلاف نہیں،رابطہ عالم اسلامی

 ہم آزادیوں کو مادی فوائد کیلئے استعمال کرنے کے خلاف ہیں
جدہ (نیوز ڈیسک)رابطہ عالم اسلامی کے جنرل سیکریٹری محمد العیسیٰ نے کہا ہے کہ مسلمان کسی بھی شخص کی دستوری آزادیوں کے خلاف نہیں بلکہ ان آزادیوں کو نفرت پھیلانے سے روکنا چاہتے ہیں ہم قانونی آزادیوں کے خلاف نہیں، بلکہ ہم ان آزادیوں کو مادی فوائد کیلئے استعمال کرنے کے خلاف ہیں کیونکہ ایسا کرنے سے دستوری آزادیاں بے وقعت ہو جاتی ہیں۔ ہم ان کے نتیجے میں فروغ پانے والی نفرت اور نسلی امتیاز کے خلاف ہیں ،انھوں نے مسلمانوں پر زور دیا کہ وہ کسی بھی قسم کے منفی ردعمل سے احتراز کریں اور وہ ایسے اقدامات پر تکیہ کریں جو اسلامی عقیدے کی تعلیمات سے ہم آہنگ ہوں، منفی ردعمل کی وجہ سے چیتھڑے اخبار جن کی تعداد اشاعت نہ ہونے کے برابر ہے موہوم خاکے چھاپ کر دنیا میں مقبولیت حاصل کر رہے ہیں