لاپتہ افراد کے اہلخانہ نے کیسزکی پیروی بندکردی

لوگوں کا جے آئی ٹیز اورپولیس سے اعتماد اٹھ رہا ہے، سندھ ہائیکورٹ
کراچی(نیوز ڈیسک ) سندھ ہائیکورٹ نے لاپتہ افرادکی بازیابی کی درخواستوں کی سماعت کے دوران پولیس رپورٹس پر شدید برہمی کا اظہار کیا اور ریمارکس دئے کہ پولیس کی ناقص کارکردگی کے باعث اہلخانہ نے کیسزکی پیروی بندکردی ہے اوران کا جے آئی ٹیز اورپولیس سے اعتماد اٹھ رہا ہے، لوگ سمجھتے ہیں عدالتیں صرف تقریر کرتی ہیں، لاپتہ افرادکے معاملے پر پولیس تفتیش ہی نہیں کرتی، تفتیشی افسر ہر بار کمپیوٹر سے نیا پرنٹ نکال کرلے آتے ہیں، اگر لاپتہ افراد کا سراغ نہ لگایا گیا تو جے آئی ٹی سربراہ کی تنخواہ بند کردی جائے گی ، عدالت کی برہمی پر سرکاری وکیل نے کہا کہ آخری بار مہلت دیں، دوبارہ رپورٹس طلب کرلیتے ہیں۔