فرقہ واریت کی کوشش دشمنان اسلام و پاکستان کی سازش

 عارف واحدی کی وزیر مذہبی امور سے ملاقات،عزاداری میں رکاوٹوں سے آگاہ کیا
لاہور(نیوز ڈیسک)شیعہ علما کونسل کے مرکزی سیکریٹری جنرل علامہ عارف حسین واحدی نے وفاقی وزیر مذہبی امور صاحبزادہ ڈاکٹر نور الحق قادری سے ملاقات کی اس موقع پر چیئرمین اسلامی نظریاتی کونسل ڈاکٹر قبلہ ایاز صاحب بھی موجود تھے ،ڈاکٹر نور الحق قادری نے ملک میں فرقہ واریت پھیلانے کی ناکام کوشش کو دشمنان اسلام و پاکستان کی سازش قرار دیا علامہ عارف واحدی نے محرم اور عزاداری کے انعقاد میں رکاوٹوں اور مشکلات کا ذکر کرتے ہوئے کہا کہ ہم سمجھتے ہیں کہ انتظامیہ کے بعض افسران اس طرح کی رکاوٹیں کھڑی کر کے تحریک انصاف کی بدنامی کا سبب بن رہے ہیں، نور الحق قادری نے کہا کہ کورونا وائرس کے پھیلاو کو روکنے اور احتیاطی تدابیر پر عمل کرانے کے لئے محرم سے پہلے علمائے کرام،ذاکرین عظام اور مختلف طبقات فکر سے مشاورت کی گئی اس سے لوگوں میں مختلف غلط فہمیاں پیدا ہوئیں جودرست نہیں