فرانس کے بائیکاٹ پریورپی یونین کی ترکی کو کھلی دھمکی

 یورپی یونین میں شمولیت کی کوشش مزید تاخیر کا شکار ہوسکتی ہیں،یورپی یونین
برسلز (نیوز ڈیسک) یورپی کمیشن نے ترکی کو فرانس میں گستاخانہ خاکوں کی اشاعت کے خلاف فرانسیسی مصنوعات کے بائیکاٹ سے متعلق بیان پر خبردار کیا ہے کہ انقرہ کی یورپی یونین میں شمولیت کی کوشش مزید تاخیر کا شکار ہوسکتی ہیں ، یورپی یونین کے ترجمان نے کہا کہ کسی بھی رکن ریاست کی مصنوعات کے بائیکاٹ کا مطالبہ بنیادی ذمہ داریوں کے منافی ہے اور اس طرز عمل سے ترکی کی یورپی یونین میں شمولیت کی راہیں مزید دور ہوجائے گی ، ترکی نے 1987 میں یورپی اکنامک کمیونٹی میں شامل ہونے کے لیے درخواست دی تھی 2005 میں یورپی یونین سے باضابطہ طور پر الحاق کی بات چیت کا آغاز کیا تھا لیکن ان مذاکرات میں کوئی موثر انداز میں پیش رفت سامنے نہیں آئی