عراق کو متعدد بھیانک جنگوں میں جھونکا گیا،حزب اللہ

پوپ فرانسس کے دورہ سے عراق ایک مرتبہ پھر اپنا مقام حاصل کر لے گا
بیروت (نیوزڈیسک)حزب اللہ نے پوپ فرانسس کے دورہ عراق اور بزرگ مرجع آیت اللہ سید علی سیستانی کے ساتھ ملاقات کا خیرمقدم کیا ہے، حزب اللہ نے کہا ہے کہ ہم آیت اللہ سیستانی کے موقف کی بھی مکمل حمایت کرتے ہیں کہ جس میںفلسطینی عوام اور مقبوضہ فلسطینی سرزمینوں کے باسیوں کی غربت اور رنج و الم دور کرنے اور ان پر ظلم و تشدد، دینی و فکری ستم، جنگوں، محاصرے اور زبردستی دربدری پر مبنی اقدامات کے فوری خاتمے پر زوردیا گیا ہے، عراق کو گذشتہ 2 عشروں کے دوران متعدد بھیانک جنگوں میں جھونکا گیا ہے، پوپ فرانسس کا یہ دورہ اس بات کا زمینہ فراہم کرے گا کہ عراق بین الاقوامی و خطے کی سطح پر ایک مرتبہ پھر اپنا مقام حاصل کر لے گا اور اس کی قومی سالمیت، خود مختاری و اندرونی استحکام میں مزید بہتری آئے گی۔