عالمی معاملات میں امریکی بالادستی قبول نہیں،چین

امریکا مقابلہ آرائی جاری رکھنا چا ہتا ہے تو چین چیلنج کو قبول کرتا ہے
بیجنگ (نیوز ٖیسک) چین کے وزیر خارجہ نے عالمی معاملات میں امریکی بالادستی سے متعلق سخت خبردار کیا ہے، وزیرخارجہ وانگ یی نے کہا ہے کہ بیجنگ کے ساتھ مذاکرات کے یک طرفہ امریکی مطالبات ہرگز قابل قبول نہیں، بات چیت کے لیے چین کے دروازے کھلے ہوئے ہیں تاہم مذاکرات باہمی احترام اور برابری کی بنیاد پر ہونا چاہیے ان کا ملک اس بات کو ہرگز قبول نہیں کرے گا کہ دنیا کا کوئی ملک سارے ملکوں پر اپنی مرضی اور منشا کو زبردستی مسلط کرنے کی کوشش کرے،انہوں نے دو ٹوک الفاظ میں کہا کہ اگر امریکا مقابلہ آرائی کا سلسلہ جاری رکھنا چا ہتا ہے تو چین اس چیلنج کو قبول کرتا ہے اور اسے کوئی خوف نہیں۔