طالبان کیساتھ امن مذاکرات حساس ہیں،افغان صدر

مذاکرات کا عمل پہلے مرحلے سے گزر کر دوسرے مرحلے میں داخل ہو چکا ہے
کابل (نیوز ڈیسک) افغان صدراشرف غنی نے طالبان کے ساتھ جاری امن مذاکرات کو حساس اور اہم قراردے دیا ، اعلی قومی مصالحتی کونسل کے اجلاس سے خطاب میں اشرف غنی نے کہا کہ ملک میں قیام امن تمام افغانوں کا بنیادی مطالبہ ہے، امن مذاکرات کا عمل پہلے مرحلے سے گزر کر اب دوسرے مرحلے میں داخل ہو چکا ہے اور یہ مرحلہ زیادہ حساس اور اہمیت کا حامل ہے ، پہلے مرحلے کو عبور کرنے سے ظاہر ہو گیا کہ یہ آسان کام نہیں تھا تاہم نتیجہ خیز رہا ، طالبان گروہ کے ساتھ امن مذاکرات میں افغان حکومت کی مذاکراتی ٹیم نے اسلامی جمہوری نظام، آئین اور لویہ جرگہ میں منظور شدہ بلوں کی حمایت کی