شام:النصرۃ فرنٹ نے ترکی سے اپنا اتحاد خود بے نقاب کردیا

دونوں قوتیں شام میں ایک ہی مقصد کے لیے جنگ لڑ رہی ہیں، النصرہ فرنٹ
دمشق(نیوز ڈیسک) شام میں داعش سے منسلک دہشت گرد تنظیم النصرہ فرنٹ نے ترک فوجیوں کا مذاق اڑانے پر معذرت کرکے برائی کا گٹھ جوڑ بے نقاب کردیا، النصرہ فرنٹ کی طرف سے سوشل میڈیا یر ایک ویڈیو جاری کی گئی تھی جس میں اس کے ارکان کو ادلب میں ترک فوجیوں کا مذاق اڑانے اور ان کے سر قلم کرنے کی دھمکی دیتے دکھایا گیا تھا، ویڈیو کے سامنے آنے کے بعد ا لنصرۃ فرنٹ نے مختصر بیان جاری کرکے ترکی سے معذرت کی ہے اور کہا ہے کہ تحریر شام محاذ اور ترک فوج شام میں ایک ہی مقصد کے لیے جنگ لڑ رہے ہیں، ترک فوج بشارالاسد اور اس کے اتحادیوں کے خلاف جاری جدو جہد میں ہمارا دست وبازو ہے، ترک فوجیوں کے خلاف ہتک آمیز بیان ریکارڈ کرانے اور ان کے سر قلم کرنے کی دھمکیاں دینے والے عناصر کا کڑا احتساب کیا جائے گا۔