شام: دہشت گردوں کے اسلحہ کے ذخیرے پر فوج کاقبضہ

ادلب میں جبھة النصرہ کے اسلحے کے گودام پر بمباری کر کے اسے تباہ کردیا
دمشق(نیوز ڈیسک) شامی فوج نے دہشت گردوں کے لئے بھیجے گئے ہتھیاروں کے بڑے ذخیرے کا پتہ لگا کراسے تحویل میں لے لیا ، حمص اور حماہ کی سرحد سے دہشت گردوں کے لئے ہتھیار پہنچانے اور اس کی اسمگلنگ کا کام ہو رہا تھا ، ہتھیاروں میں خودکار ہتھیار، راکٹ، راکٹ لانچر، آر پی جی، مختلف قسم کے مارٹر گولے اور دیگر ہلکے اور بھاری ہتھیار شامل ہیں،ادھر جنگی طیاروں نے ادلب میں جبھة النصرہ کے اسلحے کے گودام پر بمباری کر کے اسے تباہ کردیا، فوج نے صوبہ لاذقیہ کے شمال میں دہشت گردوں کے ایک حملے کو ناکام بناتے ہوئے انہیں کو پسپا ہونے پر مجبور کر دیا ، جھڑپ میں درجنوں دہشت گرد ہلاک ہوگئے