سعودیہ میں شیعہ کالونیوں کا محاصرہ سخت،کرفیو نافذ

نیشنل گارڈ نے کئی علاقوں کو رکاوٹیں کھڑی کرکے بند کردیا
ریاض (نیوز ڈیسک) سعودی عرب نے کورونا وائرس کے بہانے شیعہ اکثریتی گورنری الاحسا کی دو کالونیوں کا محاصرہ سخت کرتے ہوئے 24گھنٹے کا کرفیو نافذ کردیاجبکہ دیگر کالونیوں میں نیشنل گارڈ نے ذمہ داریاں سنبھالتے ہوئے علاقوں کو رکاوٹیں کھڑی کرکے بند کردیا اور لوگوں کو ایک علاقے سے دوسرے علاقے میں جانے سے روکا جارہا ہے،وزارت داخلہ کے بیان میں دعویٰ کیا گیا ہے کہ مشرقی گورنری الاحسا کی دو کالونیوں الفیصلیہ اور الفاضلیہ میں 24 گھٹنوں کا قابل تجدید کرفیو لگا یا گیا ہے،جبکہ دیگر کالونیوں میں نیشنل گارڈ اور پولیس نے ذمہ داریاں سنبھال لی ہیں، یہ اقدامات کورونا وائرس کی روک تھام کیلئے وزارت صحت اور عالمی ادارہ صحت کی طرف سے جاری ہدایات پرعمل درآمد یقینی بنانے کیلئے کئے گئے ہیں۔