سعودی عرب کی شام سے تعلقات کی بحالی کی کوشش

سعودی انٹیلی جنس کا دمشق کا دورہ ، صدر بشار الاسد سے ملاقات
دمشق (نیوز ڈیسک) ایک عشرے تک دہشت گردوں کی حمایت اور شام میں حکومت کی تبدیلی کی کوششوں میں ناکامی کے بعد سعودی عرب نے دمشق کے ساتھ تعلقات کی بحالی کی کوشش شروع کردی ہے اور عرب لیگ میں شام کی واپسی کا خیر مقدم کیا ہے ،سعودی عرب کے ایک وفد نے انٹیلی جینس چیف خالد الحمیدان کی قیادت میں، دمشق کا دورہ کیا اور صدر بشارالاسد سے ملاقات کی ہے ملاقات میں شام اور سعودی عرب کے درمیان سفارتی تعلقات کی بحالی کے بارے میں تبادلہ خیال کیا گیا، سعودی وفد نے شام کی عرب لیگ میں واپسی اور الجزائر میں ہونے والے سربراہی اجلاس میں دمشق کی شرکت کا بھی خیر مقدم کیا ہے ،سعودی عرب کے وزیر خارجہ فیصل بن فرحان نے بھی سی این این عربی کو انٹرویو دیتے ہوئے کہا تھا کہ ہم شام میں امن واستحکام اور بحران کے سیاسی حل کے خواہاں ہیں۔