ذاتی تنازع کو مسلکی بنانا استعماری ایجنڈہ ہے، علامہ ناصر عباس

 دشمن قوتیں فرقہ واریت پھیلا کر ملک و قوم کے امن کو نقصان پہنچانا چاہتی ہیں
 اسلام آباد(نیوز ڈیسک)مجلس وحدت مسلمین پاکستان کے سربراہ علامہ راجہ ناصر عباس جعفری نے گلگت نلتر واقعہ پر اظہار افسوس کرتے ہوئے کہا ہے کہ اس طرح کے واقعات علاقے کے امن کو تباہ کرنے کی سازش ہیں،انہوں نے کہا کہ ملک دشمن قوتیں فرقہ واریت پھیلا کر ملک و قوم کے امن کو نقصان پہنچانا چاہتی ہیں،ملک میں بسنے والے ہر فرد کی یہ قومی ذمہ داری ہے کہ وہ مذہب و مسلک کی تخصیص سے بالاتر ہوکر مشترکہ دشمنوں کی سازشوں کا ادرک کریں،انہوں نے کہا کہ قانون نافذ کرنے والے اداروں کو چاہیے کہ وہ ان عناصر کے ساتھ آہنی ہاتھوں سے نمٹیں،گلگت بلتستان کے امن کو سبوتاڑ کرنے والوں کو ان کے ناپاک عزائم میں کامیاب نہیں ہونے دیں گے ،انہوں نے کہا کہ ذاتی تنازعات کو مسلکی جھگڑوں میں تبدیل کرنے کی کوشش استعماری ایجنڈے کو تقویت دینا ہے،وطن عزیز کے اندر وہ طاقتیں متحرک ہونا چاہتی ہیں جن کا مقصد مذہبی منافرت پھیلا کر ملک کو کمزور کرنا ہے۔