دشمن زیادہ دباؤ پالیسی سے ہمیں جھکا نہیں سکے گا،حسن روحانی

ملک حالتِ جنگ میں ہے،اس لئے حکومت اپنے وعدے پورے نہیں کر سکی
تہران(نیوز ڈیسک) ایرانی صدر حسن روحانی نے حکومت کی ناکامی کا اعتراف کرتے ہوئے کہا ہے کہ ملک حالتِ جنگ میں ہے،اس لئے حکومت اپنے وعدے پورے نہیں کر سکی، حکومت نے حالتِ امن میں وعدے کیے تھے لیکن اس وقت ہم حالتِ جنگ میں ہیں امن اور جنگ کے حالات مختلف ہوتے ہیں،یہ جنگ ہم نے نہیں چھیڑی تھی، یہ دشمن نے شروع کی تھی،دشمن نے 2018 سے ایران کے خلاف مکمل پیمانے پراقتصادی جنگ مسلط کررکھی ہے،روحانی نے کہا کہ دشمنوں کو اس بات کا احساس ہوگیا ہے کہ وہ ہمیں زیادہ سے زیادہ دباؤ کے ذریعے ہتھیار ڈالنے پر مجبور نہیں کرسکتاان کا مقصد ہمیں مذاکرات کی میز پرلانا ہے۔ وہ ہم سے اپنی بات منوانا چاہتے ہیں لیکن یہ ناممکن ہے،انھوں نے کہاکہ ایرانی معیشت کی جڑیں پابندیوں کے باوجود مضبوط ہیں۔