جیکب آباد میں ہزاروں افراد کا اربعین مارچ

 شیعہ سنی متحد ہوکر یزیدیوں کی تمام سازشوں کو ناکام بنا دیں گے،مقررین
جیکب آباد(نیوزڈیسک) چہلم شہدائے کربلا کی مناسبت سے جیکب آباد کے عاشقان اہل بیت نے امام بارگاہ امام علی رضا سے ڈی سی چوک جیکب آباد تک 14 کلو میٹر طویل پیدل مارچ کیا، علما، مومنین خواتین اور معصوم بچوں کی بڑی تعداد اربعین مارچ میں شریک ہوئی،شرکا پرچم اور علم اٹھائے نعرے لگاتے اور نوحے وسلام پڑھتے،ڈی سی چوک تک پہنچے، ڈی سی چوک پر عزاداروں سے خطاب میں مجلس وحدت مسلمین کے مرکزی ترجمان علامہ مقصود علی ڈومکی نے کہاکہ ہم اتحاد بین المسلمین کے علمبردار ہیں اور شیعہ سنی متحد ہوکر یزیدیوں کی تمام سازشوں کو ناکام بنا دیں گے، علامہ برکت علی مطہری نے کہا کہ اگر امریکہ اور سعودی کے ڈالر اور ریال کے بل بوتے پر چند ہزار یا لاکھ افراد کو جمع کر سکتے ہیں تو پاکستان کے کروڑوں شیعہ اور سنی مسلمان عشق اہلبیت(ع) میں نکلیں گے،صوبائی سیکرٹری جنرل ایم ڈبلیو ایم بلوچستان علامہ برکت علی مطہری سید ریاض علی شاہ و دیگر رہنماو ¿ں نے خطاب کیا