جنرل باوجوہ کا سعودی مشن، توقعات پوری نہ ہوسکیں

محمد بن سلمان کا جنرل باجوہ سے ملنے سے انکار،بھائی کو بھیج دیا
 جدہ (نیوز ڈیسک) آرمی چیف جنرل قمر جاوید باجو ہ کے سعودی مشن سے متعلق توقعات پوری نہ ہوسکیں،سعودی ولی عہد محمد بن سلمان نے جنرل باوجوہ سے ملاقات نہیں کی اور اپنی جگہ اپنے بھائی نائب وزیر دفاع شہزادہ خالد بن سلمان کو ملاقات کیلئے بھیج دیا، اس اعلیٰ سطح کی ملاقات سے پہلے محمد بن سلمان کی زیر صدارت سعودی حکام کا ایک اہم اجلاس ہوا جو تین گھنٹے تک جاری رہا ،اجلاس میں محمد بن سلمان کو جنرل باوجوہ سے ملاقات نہ کرنے کا مشورہ دیا گیا تاکہ وزیر خارجہ شاہ محمود قریشی کے بیان پر اپنی ناراضی کا اظہار کیا جاسکے، شہزادہ خالد بن سلما ن نے جنرل باجوہ سے ملاقات کرکے سعودی ولی عہد کے تحفظات پہنچائے ،بن سلمان نے شاہ محمود کی برطرفی کا مطالبہ کیا جسے آرمی چیف نے موجودہ حالات میں ناممکن قرار دیا